“დაცვის მექანიზმების გაძლიერება უფლებადამცველებისთვის – სასამართლო პროცესის მონიტორინგის ვორკშოპი სომეხი და ქართველი დამკვირვებლებისთვის” “თბილისის ადამიანის უფლებათა სახლის” (HRHT) მიერ “ჩერნიგოვის საგანმანათლებლო სახლთან” (EHRHC), “ბორის ზვოსკაუს სახელობის ბელარუსიის ადამიანის უფლებათა სახლთან” (BHRH) და „ერევნის ადამიანის უფლებათა სახლთან“ (HRHY) პარტნიორობით განხორციელებული პროექტია. პროექტი ადამიანის უფლებათა სახლების ფონდის „house to house” ინიციატივის ფინანსური მხარდაჭერით შედგა.

ვორკშოპის მიზანი იყო მონაწილეებისთვის სამართლიანი სასამართლოს სტანდარტების სიღრმისეული გააზრება და აზერბაიჯანსა და/ან სომხეთში ადამიანის უფლებათა დამცველების სასამართლო პროცესებზე დამკვირვებელი იურისტების/ჟურნალისტებისა და სხვა პროფესიის წარმომადგენლების რიცხვის გაზრდა.

საქართველოში ჩატარებულ პრაქტიკულ და თეორიულ ვორკშოპს 12 მონაწილე ესწრებოდა თბილისისა და ერევნის ადამიანის უფლებათა სახლებიდან და მათი წევრი ორგანიზაციებიდან. მონაწილეები იყვნენ იურისტები, ჟურნალისტები და სხვა პროფესიის წარმომადგენლები, რომელთაც ჰქონდათ პროფესიული გამოცდილება და დაინტერესებულნი იყვნენ ამ საქმიანობით და ასევე ისინი, ვისაც უკვე ჰქონდა სადამკვირვებლო მისიების გამოცილება, სურდათ კვალიფიკაციის ამაღლება ან საკუთარი გამოცდილების გაზიარება.

ვორკშოპს HRHT- მ, 2017 წლის 10-12 ივლისს უმასპინძლა.

“თბილისის ადამიანის უფლებათა საზაფხულო სკოლა 2017” „თბილისის ადამიანის უფლებათა სახლის” (HRHT) მიერ „ბორის ზვოსკაუს ბელარუსიის ადამიანის უფლებათა სახლთან“ (BHRH) პარტნიორობით განხორცილებული პროექტია. საზაფხულო სკოლა „ადამიანის უფლებათა სახლების ფონდის“ (HRHF) “house to house” ინიციატივის ფარგლებში ჩატარდა.

პროექტი მიზნად ისახავდა ადამიანის უფლებათა ინტერესების შეფასებას ქართულ საზოგადოებაში, განსაკუთრებით კი – ქართველ ახალგაზრდებში, შემდგომი საგანმანათლებლო აქტივობების დასაგეგმად. ასევე ახალგაზრდებში ადამიანის უფლებებთან დაკავშირებული ცოდნის გაღრმავებას და HRHT-სთვის ადამიანის უფლებების სკოლის კონცეფციისა და საგანმანათლებლო აქტივობების შემდგომ განვითარებას.

საზაფხულო სკოლაში მონაწილეობა მიიღო სხვადასხვა დარგის (სამართლის, ჟურნალისტიკის, სოციალური მეცნიერების ფაკულტეტის სტუდენტებმა) 15 სტუდენტმა.

კურსდამთავრებულებმა ადამიანის უფლებებზე საკუთარი ესსეები საზაფხულო სკოლის დასრულებიდან ერთ თვეში შექმნეს. ესსეების კონკურსის საფუძველზე შეირჩა სამი წარმატებული კანდიდატი, რომლებიც ვილნიუსში, ბელარუსის ადამიანის უფლებათა სახლში, 5-დღიანი სასწავლო ვიზიტით გაემგზავრნენ. სასწავლო ვიზიტისას მონაწილეებს საშუალება ჰქონდათ, გაცნობოდნენ ბელარუსიის ადამიანის უფლებათა სახლის საქმიანობას, მის წევრ ორგანიზაციებს და დასწრებოდნენ ვორკშოპს სამართლიანი სასამართლოს შესახებ. გამარჯვებული ესეები გამოქვეყნდა ადამიანის უფლებათა სახლის ვებგვერდზე.

ადამიანის უფლებათა საზაფხულო სკოლა ჩატარდა თბილისში, 2017 წლის 27-30 ივნისს.

“ადამიანის უფლებათა საერთაშორისო კურსი ბელარუსი, საქართველი და უკრაინელი აქტივისტებისთვის” (ICHR) “ჩერნიგოვის საგანმანათლებლო ადამიანის უფლებათა სახლის” (EDHRHC) მიერ “თბილისის ადამიანის უფლებათა სახლთან” (HRHT) და ადამიანის უფლებათა ცენტრ “ვიასნასთან” პარტნიორობით შექმნილი პროექტია.

პროექტი განხორციელდა „ადამიანის უფლებათა სახლების ფონდი” house to house ინიციატივის ფარგლებში.

პროექტი მიზნად ისახავს „ადამიანის უფლებათა სახლების ქსელის“ ფარგლებში არსებული თანამედროვე სასწავლო მეთოდების, საუკეთესო პრაქტიკისა და ადამიანის უფლებათა დაცვის ინსტრუქმენტების გამოყენებას ეროვნულ და საერთაშორისო დონეზე საზოგადოებრივი ინტერესების დასაცავად. პროექტი მიზნად ისახავს ხელი შეუწყოს მონაწილეებს შეიმუშაონ და დაასრულონ საკუთარი პროექტი / კამპანია სამ- სესიიანი პროექტის ფარგლებში.

პირველი სესიების შემდეგ მონაწილეებმა დაიწყეს მუშაობა საკუთარი აქტივობების განსახორციელებლად და შეიმუშავეს 3 პროექტი /კამპანია. ICHR-ის პირველი სესია გაიმართა „ჩერნიგოვის საგანმანათლებლო ადამიანის უფლებათა სახლში“ (უკრაინა). მეორე სესიას კი „ბორის ზვოსკაუს სახელობის ბელორუსიის ადამიანის უფლებათა სახლი ვილნიუსში“ (BHRH) მასპინძლობდა.