მსოფლიოს ბევრ ქვეყანაში, ჟურნალისტები, როგორც უფლებადამცველები, ხშირად იდევნებიან და ხდებიან ძალადობის, მუქარისა თუ შევიწროების მსხვერპლნი. ლექსოს პრემიის დაწესებით ,,ადამიანის უფლებათა სახლს“ სურდა გამოხმაურებოდა საქართველოში მიმდინარე მოვლენებს, განსაკუთრებით, 2021 წლის 5 ივლისს, მედიის თავისუფალი და უფლებადაცვითი საქმიანობის წინააღმდეგ განხორციელებულ ზეწოლას და ძალადობას. პრემია მხარს უჭერს თავისუფალი მედია გარემოს არსებობას  და განვითარებას საქართველოში. ,,თბილისის ადამიანის უფლებათა სახლმა“ პრემია 2021 წლის 9 დეკემბერს, უფლებადამცველთა საერთაშორისო დღეს, ორ ნომინაციაში გასცა.